ദേവീ മാഹാത്മ്യം
ദേവീ മാഹാത്മ്യം ദുര്ഗാ സപ്തശതി പ്രഥമോഽധ്യായഃ ॥ ദേവീ മാഹാത്മ്യമ് ॥ ॥ ശ്രീദുര്ഗായൈ നമഃ ॥ ॥ അഥ ശ്രീദുര്ഗാസപ്തശതീ ॥ ॥ മധുകൈടഭവധോ നാമ പ്രഥമോഽധ്യായഃ ॥ അസ്യ ശ്രീ പ്രധമ ചരിത്രസ്യ ബ്രഹ്മാ ഋഷിഃ । മഹാകാളീ ദേവതാ । ഗായത്രീ ഛംദഃ । നംദാ ശക്തിഃ । രക്ത ദംതികാ ബീജമ് । അഗ്നിസ്തത്വമ് । ഋഗ്വേദഃ സ്വരൂപമ് । ശ്രീ മഹാകാളീ പ്രീത്യര്ധേ പ്രധമ ചരിത്ര ജപേ വിനിയോഗഃ । ധ്യാനം ഖഡ്ഗം ചക്ര ഗദേഷുചാപ പരിഘാ ശൂലം ഭുശുംഡീം ശിരഃ ശംംഖം സംദധതീം കരൈസ്ത്രിനയനാം സര്വാംംഗഭൂഷാവൃതാമ് । യാം ഹംതും മധുകൈഭൌ ജലജഭൂസ്തുഷ്ടാവ സുപ്തേ ഹരൌ നീലാശ്മദ്യുതി മാസ്യപാദദശകാം സേവേ മഹാകാളികാം॥ ഓം നമശ്ചംഡികായൈ ഓം ഐം മാര്കംഡേയ ഉവാച॥1॥ സാവര്ണിഃ സൂര്യതനയോ യോമനുഃ കഥ്യതേഽഷ്ടമഃ। നിശാമയ തദുത്പത്തിം വിസ്തരാദ്ഗദതോ മമ ॥2॥ മഹാമായാനുഭാവേന യഥാ മന്വംതരാധിപഃ സ ബഭൂവ മഹാഭാഗഃ സാവര്ണിസ്തനയോ രവേഃ ॥3॥ സ്വാരോചിഷേഽംതരേ പൂര്വം ചൈത്രവംശസമുദ്ഭവഃ। സുരഥോ നാമ രാജാഽഭൂത് സമസ്തേ ക്ഷിതിമംഡലേ ॥4॥ തസ്യ പാലയതഃ സമ്യക് പ്രജാഃ പുത്രാനിവൌരസാന്। ബഭൂവുഃ ശത്രവോ ഭൂപാഃ കോലാവിധ്വംസിനസ്തദാ ॥5॥ തസ്യ തൈരഭവദ്യുദ്ധം അതിപ്രബലദംഡിനഃ। ന്യൂനൈരപി സ തൈര്യുദ്ധേ കോലാവിധ്വംസിഭിര്ജിതഃ ॥6॥ തതഃ സ്വപുരമായാതോ നിജദ...